Ja, das 2021...... es Jahr fasch chli zum vergässe. Zersch het üs ds Virus Striche dür d'Rächnig gmacht u speter isch mit em Wätter u de Wasserständ aues chli übere Huufe gworfe worde. Irgendwie ha-n-i gar nie rächt dr Rank gfunde mi uf lengeri Fahrte z'konzentriere. Es si desstwäge d'Ziel im Graubünde, im Tessin u i der Oschtschwyz vollkomme "keusch" blibe. Es paar Mau im Juraboge u de öfters im Ämmitau rund ume Napf plus einisch im Wallis ha-n-i trotz auem e dritte Rang, e Broncemedaille usegfahre. Es geit ja nid gäng nume um d'Belohnig, d'Fröid muesch ou öppis rächne.

Vo däm här gseh isch mini vierti Pässewettbewärbs-Teilnahm jedefaus i gueter Erinnerig blibe u d'Föteli si es schöns Adänke drzue. Du findsch ds Video für 2021 im Tab "Archiv 2019 - 2021"

Drum nimm ig itz im 2022 öppis nöis in Agriff u fröie mi uf wieder mängi tolli Reis dür d'Schwyz.

>>>> Rächts no es paar Pics vo Fahrte usserhaub em Wettbewärb >>>>>>