Leider wird ds Tool für die Site vom Provider nüm understützt, so dass das hie eine vo de letschte Iiträg uf der Hompage vom Pesche-Baern isch. Wär weis, viellecht nim i de nomau e nöiie Alouf für Info u Aktuells über miner Töff-Reise a Ma, a d'Frou z'bringe. Schad :-)

Pesche im Oktober 2022

Mini Website wott i regumässig aktualisiere, das vor auem im Tab "Pässewettbewärb"

Es auts Sprichwort seit "Der Fortschritt besteht in der Veränderung" ----- auso lueg glägetlech wieder, ob sich öppis veränderet het. Fröie mi uf jede Kommentar.

Ds Töff-Reise isch sit über 30 Jahr mis gröschte u fasch einzige Hobby. Äs erloubt mir, Land und Lüt uf ne naturnachi und pärsönlechi Art lehre ds kenne u ds gniesse.

Bis anhin hani miner Reise, ob alei oder mit Kollege nach em Motto "Immer dr Nase nah" planet - eifach mau ufhocke, abfahre, Gägend gniesse u am Abe irgendwo ime-n-e Dorf, Stadt oder i de Pampas entweder es Bett sueche oder ds Zäut uf steue.

Inzwüsche ha-n-i mr es Navi beschafft u plane d'Reise mit  BaseCamp uf em Compi - ds Vergnüege wird da drmit absolut nid chliner.

Was i plane (Tracks / Route) wett i uf däm Wäg ou anderne Biker, wo glychi Inträsse hei uf dere Site zeige u bi Bedarf zur Verfüegig steue.

Uf em Bieud rächts gsehsch mit was ig ungerwägs bi - mini HONDA TRANSALP. (Details erfahrsch we mit dr Mus über ds Bild fahrsch.)

Das isch mi Begleiter uf mine Toure. Är isch, wie ig, es euters Semester, u zuglich wi-n-e treue Fründ wo eim nie im Stich lat. Zäme si mr sit meh aus 10 Jahr ungerwägs. Si Tacho zeigt aktuell rundi 127'000 km

Hesch zu minere Hompage e Kommentar, e Kritik oder e Aregig  de chasch mir gärn maile oder mi über mini Facebook-Site kontaktiere..

Kids - be free - do what ever you want to do -

do it as long as you don't hurt anybody.

.

.